Elephant Toothpaste

X’għandek bżonn:

• Trej
• Tazza vojta jew flixkun tal-plastik żgħir vojt
• Kuċċarina
• 3% aqua ossiġinata
• Sapun
• Ħmira
• Kulur tal-ikel (Agħażel kulur li tippreferi)

Superviżjoni minn adult hija rakkommandata speċjalment meta tferra l-aqua ossiġinata

Ejja nesperimentaw flimkien:

1. Poġġi t-tazza l-vojta jew il-flixkun tal-plastik vojt fuq it-trej.
2. Żid 3% aqua ossiġinata bil-mod fit-tazza jew fil-flixkun.
3. Żid ftit sapun fil-kontenitur mimli bl-aqua ossiġinata.
4. Żid ftit qtar (5 qatriet huma biżżejjed) ta’ kulur tal-ikel fil-kontenitur.
5. Żid kuċċarina trab tal-ħmira mat-taħlita u osserva x’jiġri.

Ipprova biddel l-ammont tal-likwidi li tfajt fit-tazza jew fil-flixkun u ara x’jiġri! Pereżempju żid iktar aqua ossiġinata jew iktar ħmira.

Ipprova ħoll il-ħmira fl-ilma sħun sabiex tara jekk ir-reazzjoni tkunx iktar jew inqas mgħaġġla.