L-EsploraPlanetarium – pass ‘il bogħod mill-istilel! B’dijametru ta’ 10.7 metri l‑EsploraPlanetarium huwa teatru ColourSpace 4K li jospita avvenimenti edukattivi u ta’ intrateniment marbuta mal-pjaneti, is-sistema solari kif ukoll l-Univers kollu.
Jekk tixtieq tiċċekkja l-iskeda tal-ġimgħa tagħna għal lista ta’ films u spettakli li qed jintwerew bħalissa fl-EsploraPlanetarium, agħfas hawnhekk. Il-biljetti jistgħu jinxtraw fir-reception tal-Esplora li jinkludu film/live xow kif ukoll l-Esebizzjoni tal-Univers. Ladarba jkun fil-post, ġentilment nitolbuk biex tmur fil-Bini tal-Planetarium li jinsab hawnhekk. Madwar iċ-ċentru ser issib numru ta’ sinjali li ser jgħinuk biex tasal fil-post. Nixtiequ ninfurmawkom ukoll li l-bibien tal-Planetarium se jinfetħu 20 minuta qabel il-bidu tax-xow u se jingħalqu eżattament fil-ħin li x-xow huwa skedat li jibda, għalhekk nitolbukom biex tkunu hemmhekk fil-ħin assenjat.
Il-koppla hija insonorizzata u mgħammra bl-aħħar teknoloġija ta’ projezzjonijiet u t-teatru għandu 52 siġġu li jingħalqu. Ġewwa l-bini tal-Planetarium, il-viżitaturi jistgħu wkoll igawdu l-Esebizzjoni tal-Univers, li tikkonsisti minn 13-il esebit interattiv marbutin mal-kosmos u l-Ħajja fl-Ispazju.
Hija esperjenza stellari li m’inti ser tinsa qatt!
Sistema ta’ Hearing Loop
L-EsploraPlanetarium issa huwa mgħammar b’sistema ta’ hearing loop system għall-benefiċċju ta’ nies li jagħmlu użu minn appart tal-hearing aid. Dan se jippermetti lil min jagħmel użu minn dan l-appart sabiex ikollhom esperjenza aħjar fil-Planetarium peress li s-sinjal jibda jinġabar direttament mill-apparat tas-smigħ. Biex tagħmlu użu minn din is-sistema, tridu taqilbu l-appart tas-simgħ għall-modalità Telecoil. Din is-sistema ta’ għajnuna għas-smigħ hija aċċessibbli minn ringiela 2 sa ringiela 5.
Films li qed jintwerew fil-Planetarju
Età: 5+
Storja: “Kitz the cat’s supermoon adventure” hu film bbażat fil-futur fejn l-umanità ma tibqax teżisti. Il-qtates jibqgħu ħajjin u jevolvu fi ħlejjaq intelliġenti. Il-missjoni tagħhom tkun dik li jnaddfu l-iskart tal-ispazju, u jmorru fuq avventura mhux mistennija fil-qamar.
Dan il-film jista’ jgħin biex wieħed jifhem il-periklu li jġib miegħu l-iskart tal-ispazju.
Jinkludi wkoll fih elementi edukattivi dwar l-esplorazzjoni tal-qamar mill-umanità, l-esplorazzjoni tal-ispazju u l-importanza taż-żamma ta’ ndafa fl-ispazju.
Agħfas hawnhekk sabiex tara l-filmat ta’ Kitz the cat’s supermoon adventure
Età: 4+
Storja: Segwi l-avventuri ta’ Cy u Annie flimkien mal-kelb Armstrong hekk kif imorru fuq vjaġġ mhux mistenni fl-Ispazju.
Agħfas hawnhekk sabiex tara l-filmat ta’ Accidental Astronauts.
Età: 7+
Storja: Skopri dak li tista’ ssib fuq pjaneti oħra li jinsabu fis-sistema solari tagħna hekk kif issegwi l-istorja ta’ familja minn sistema oħra li tkun qed tipprova tfittex post għall-vaganza xi mkien fuq is-sistema solari tagħna.
Agħfas hawnhekk sabiex tara l-filmat ta’ Perfect Little Planet.
Età: 11+
Storja: Ingħaqad ma’ Raj u Sooki vjaġġ madwar il-ġisem u skopri tagħrif interessanti dwar iċ-ċell0li tagħna. PS: għandna 70 triljun ċellola!
Agħfas hawnhekk sabiex tara l-filmat ta’ Cell! Cell! Cell!
Età: 11+
Storja: Kun af kif żviluppat id-dinja mill-evoluzzjoni tal-Univers billi ssegwi l-mod ta’ kif iffurmaw l-atomi tal-Idroġenu sakemm inħoloq il-Karbonju, kif ukoll il-molekouli kollha li jiffurmaw kwalunkwe forma ta’ ħajja.
Agħfas hawnhekk sabiex tara l-filmat ta’ We are Stars.
Età: 11+
Storja: Skopri kif jaħdmu t-teleskopji u kif l-astronawti jużawhom ħalli jkunu jistgħu jiflu bir-reqqa l-istrutturi fi ħdan il-kosmos tagħna. L-iżvilupp tat-teleskopju għinna nifhmu aktar l-ispazju.
Agħfas hawnhekk sabiex tara l-filmat ta’ Two Small Pieces of Glass.
Età: 13+
Storja: Il-kosmos tagħna huwa dominat minn forza li għadha mhijiex magħrufa? Għalkemm għadna ma skoprejnihiex u ma nistgħux la nkejluha u lanqas inħossuha, xorta nafu li teżisti. Ix-xjentisti bħalissa qed jagħmlu minn kollox biex isibu l-materja skura ħalli jkunu jistgħu jsolvu dan il-misteru.
Agħfas hawnhekk sabiex tara l-filmat ta’ The Dark Matter Mystery.
Età: 10+
Storja: Dream To Fly hija storja mill-isbaħ u titratta l-iżvilupp tal-avjazzjoni matul iż-żminijiet. Skopri aktar dwar l-ewwel ajruplan, il-bużżieqa bl-arja sħuna, u anke l-invenzjonijiet ta’ Leonardo da Vinci, li għandhom x’jaqsmu mat-titjir.
Agħfas hawnhekk sabiex tara l-filmat ta’ Dream To Fly.
Età: 13+
Storja: Skopri s-sigrieti tal-istilla ewlenija tas-sistema solari f’dan l-ispettaklu ta’ film li fih se jkollok ukoll l-opportunità li tesperjenza dak li qatt ma mmaġinajt li ssib fuq il-wiċċ tax-xemx bil-qawwa immensa tiegħu.
Agħfas hawnhekk sabiex tara l-filmat ta’ The Sun.
Età: 11+
Storja: Dan il-film jieħu l-udjenza fuq vjaġġ inkredibbli mill-univers tagħna għad-Dinja. Din hija storja straordinarja tal-umanità, kif ukoll tal-inġinerija, li tiddeskrivi kif it-teknoloġija li titrasportana madwar l-ispazju qed twitti t-triq għall-apparati u l-apps li nużaw ta’ kuljum. Dak li qed jiġri fl-ispazju qed isib ruħu lura fuq id-dinja!
Agħfas hawnhekk sabiex tara l-filmat ta’ To Space and Back.
Età: 6+
Storja: Qatt ħsibt kif l-astronawti jagħmlu xogħolhom? Wara li tara Cosmix, se tkun taf! Imma żomm sewwa, għax se tkun rikba ta’ vera.
Agħfas hawnhekk sabiex tara l-filmat ta’ Cosmix.
Età: 7+
Storja: Dak ta’ Perseo u Andromeda huwa rakkont tal-prinċipessa sabiħa imma sfortunata Andromeda, li bħala kastig divin għal dak li għamlet ommha, tisfa ssagrifikata lil mostru tal-baħar sakemm fl-aħħar tiġi salvata mill-eroj Grieg Perseo.
Nixtiequ niġbdulkom l-attenzjoni li dan il-film huwa bbażat fuq ħrafa antika Griega li jirrifletti t-twemmin u l-valuri soċjali ta’ dawk iż-żminijiet. Dan jista’ jkun li ma jirriflettix in-norma tal-lum, għalhekk nixtiequ nissuġerulkom biex taraw dan il-film fil-kuntest storiku u kulturali tiegħu.
Agħfas hawnhekk sabiex tara l-filmat ta’ Legends of the Night Sky.
Età: 12+
Storja: Skopri l-Osservatorju Ewropej tan-Naħa t’Isfel, f’din l-istorja ta’ misteru, kuraġġ u perseveranza. Storja li tgħinek tosserva l-Univers bil-misteri u s-sigrieti kollha tiegħu. F’dan il-film naraw ukoll il-ħolqien u l-operat tal-aktar teleskopi b’saħħithom fuq id-dinja.
Agħfas hawnhekk sabiex tara l-filmat ta’ Europe to the Stars.
Età: 5+
Storja: Waqt vaganza għand in-nannu tagħha, tifla ċkejkna jisimha Mia aċċidentalment tiskopri biċċa ta’ makkinarju astronomiku misterjuż. Edek, iz-ziju eċċentriku ta’ Mia, iqarraq biha sabiex tuża l-qawwiet sigrieti tal-għodda biex tbiddel l-istaġuni tad-dinja.
Agħfas hawnhekk sabiex tara l-filmat ta’ Magic Globe.
Età: 5+
Storja: Celeste hija affaxxinata bid-dinosawri u għalhekk qed tipprepara diskussjoni għall-klassi tagħha dwar kif spiċċaw estinti meta Moon jagħmel mistoqsija kurjuża: X’jiġri kieku ngħidlek li għad għandna d-dinosawri fostna? Celeste tingħaqad ma’ Moon fi vjaġġ tul iż-żmien sal-ġurnata meta avveniment kataklismiku jikkawża estinzjoni tal-massa fid-Dinja. Celeste tiskopri s-sigriet tal-eżistenza tagħhom.
Agħfas hawnhekk sabiex tara l-filmat ta’ Dinosaurs: A Story of Survival.
Età: 12+
Storja: Dan il-film huwa vjaġġ ta’ 30 minuta dwar l-ispazju u l-ħin. Il-film jieħu lit-telespettaturi fuq vjaġġ spettakolari madwar il-kosmos, mid-dinja, ’il barra mis-Sistema solari tagħna, sal-eqreb stilel, nebulae, galassji, u aktar – sat-tarf tal-Univers innifsu. Il-film jiddiskuti l-eqdem esperjenza intellettwali komuni tal-umanita’ – ix-xewqa li wieħed jifhem l-Univers. Jenfasizza wkoll kif dan l-aħħar verament bdejna niskopru l-varjeta differenti ta’ kosmos. Dan Il-film fih kwalita’ għolja ta’ immaġini, mapep ta’ stilel b’riżoluzzjoni għolja, filmati ġodda ta’ teleskopju kbir ħafna, mudelli ġodda 3D ta’ kwalita’ għolja fosthom tal-Milky Way, u ħafna aktar.
Agħfas hawnhekk sabiex tara l-filmat ta’ From Earth to the Universe.
Età: 7+
Storja: Dan il-film fih kollezzjoni ta’ films qosra mill-isbaħ dwar kostellazzjonijiet, strumenti astronomiċi, u għarfien xjentifiku minn kulturi varji madwar id-dinja. Il-film fih stejjer mill-Kultura Griega, l-Amerika nattiva, Indjana u aktar. Il-proġett “One Sky” juri kif il-kulturi indiġeni antiki kienu jħarsu lejn sema bil-lejl u kif il-kulturi differenti kienu jinterpretaw u jaraw l-istess sema ta’ bil-lejl bil-modi differenti tagħhom. Il-parti tal-kultura Griega hija storja dwar Orion u Artemis. L-istorja turina kif Orion kien kaċċatur u semmewlu kostellazzjoni għalieh.
Il-film Amerikan nattiv Thunderbirds jitkellem dwar kif l-Amerikani nattivi kienu jħarsu lejn is-sema biex jaraw l-ħin u l-istaġuni. Il-parti li hija dwar il-kultura Indjana titkellem dwar kif Sultan għamel strumenti preċiżi biex ikejjel u jifhem is-sema bil-lejl u kif l-istrumenti tiegħu għadhom jintużaw sal-lum. Il-proġett “One Sky” huwa kollaborazzjoni internazzjonali ffukata fuq fehim dejjem akbar dwar l-astronomija kulturali u indiġena, l-applikazzjonijiet storiċi u moderni tagħha, u kif l-ajru uniku tagħna jgħaqqadna lkoll.
Agħfas hawnhekk sabiex tara l-filmat ta’ One Sky Project.
Età: 3+
Storja: Dan huwa spettaklu perfett għall-viżitaturi ż-żgħar sabiex jiskopru l-Planetarju. Esplora s-sema ta’ matul il-lejl u mur fuq vjaġġ sal-Qamar sakemm wara tibqa’ ddur madwar is-sistema solari tagħna ħalli tkun tista’ tara l-pjaneti ta’ viċin id-Dinja.
Età: 7+
Storja: Mur fuq vjaġġ madwar is-sistema solari tagħna, għaddi minn ħdejn l-Istazzjon Spazjali Internazzjonali u ibqa’ sejjer sakemm tasal għal pjaneti l-oħra, sakemm imbagħad ibqa’ sejjer sal-ispazju interstellari biex tesplora l-galassja u l-post tagħna fil-Kosmos.
