Iċ-Ċentru Interattiv tax-Xjenza Esplora f’Bighi huwa wieħed mill-attrazzjonijiet ewlenin għall-viżitaturi u destinazzjoni dinamika għall-iskoperta, il-kreattività, u t-tagħlim. Esplora, li fetaħ uffiċjalment fl-2016 permezz ta’ finanzjament mill-Unjoni Ewropea, din is-sena qed jiċċelebra l-10 anniversarju minn mindu fetaħ il-bibien tiegħu għall-pubbliku. Matul dawn l-aħħar għaxar snin, iċ-ċentru offra għadd kbir ta’ esperjenzi edukattivi, li ispiraw il-kurżità, il-kreattività u t-tagħlim, filwaqt li ħallew impatt pożittiv u permanenti fuq eluf ta’ viżitaturi żgħażagħ. Illum, Esplora qed ikompli jevolvi permezz ta’ approċċ b’saħħtu ta’ STEAM (ix-Xjenza, it-Teknoloġija, l-Inġinerija, l-Arti, u l-Matematika), li jgħaqqad ix-xjenza mal-kreattività, l-innovazzjoni, u l-esperjenzi tal-ħajja ta’ kuljum.
Il-bini ta’ Esplora, li jħares lejn il-Port il-Kbir, jinkludi binjiet storiċi interkonnessi u spazji fil-beraħ li flimkien joħolqu ambjent uniku ddedikat għax-xjenza interattiva, l-immaġinazzjoni, u l-esplorazzjoni fi ħdan wieħed mill-aktar siti ta’ wirt storiku distintivi ta’ Malta. Is-swali prinċipali tal-esibizzjonijiet u l-ġonna msaġġra tiegħu jinkludu ’l fuq minn 200 esibit interattiv imfassla apposta biex it-tagħlim ikun attraenti, divertenti, u memorabbli. Il-viżitaturi jistgħu wkoll jieħdu sehem f’workshops prattiċi, wirjiet tax-xjenza live u firxa wiesgħa ta’ attivitajiet edukattivi li jressqu x-xjenza u l-kreattività eqreb lejn il-ħajja ta’ kuljum.
Waħda mill-aktar attrazzjonijiet magħrufa ta’ Esplora hija l-Planetarium, li jinsab fil-qalba tal-binja tal-eks Sptar Awżiljarju. Bil-koppla impressjonanti tiegħu b’dijametru ta’ 10.7 metri u sistema teatrali 4K bil-kulur, il-Planetarium joffri wirjiet immersivi full-dome u vjaġġi live mmexxija minn preżentaturi li jkopru l-astronomija u temi xjentifiċi oħra. Il-fatt li l-Planetarium jesplora l-Univers, il-kożmos, u l-ħajja fl-ispazju jagħmlu parti distintiva u memorabbli mill-esperjenza ħolistika ta’ Esplora.
F’Esplora, it-tagħlim huwa interattiv, eċitanti, u aċċessibbli għal kulħadd.
Għal informazzjoni dwar Avvenimenti li Ġejjien, jekk jogħġbok agħfas hawn.
Għal informazzjoni dwar il-Ħinijiet tal-Ftuħ, jekk jogħġbok agħfas hawn.
Għal Prezzijiet tad-Dħul, jekk jogħġbok agħfas hawn.
Għal informazzjoni dwar l-Iskeda tal-Ġimgħa tal-Esplora, jekk jogħġbok agħfas hawn.
Għal informazzjoni dwar l-EsploraCafé, jekk jogħġok agħfas hawn.
Għal informazzjoni dwar l-Esperjenza tal-Planetarju, jekk jogħġbok agħfas hawn.
