Żmien il-Karnival huwa żmien speċjali għat-tfal għax jistgħu jilbsu l-kostum, ipinġu xi disinji fuq wiċċhom, jieklu ħelu tradizzjonali u jgħaddu ftit ħin mal-familja u mal-ħbieb. Fl-Esplora, iċ-Ċentru Interattiv tax-Xjenza, din is-sena, riedna nsibu mod ta’ kif ndaħħlu d-divertiment tal-Karnival fix-xows tax-xjenza u l-workshops tagħna u fl-istess waqt naraw li t-tfal jieħdu pjaċir, ikunu ispirati u jidħlu f’dinja ta’ kuluri u ħsieb kreattiv.
Mis-Sibt 26 ta’ Frar sal-Erbgħa 2 ta’ Marzu 2022 (inkluż it-Tnejn 28 ta’ Frar), Esplora se jkun miftuħ mill-10 ta’ filgħodu sas-6 ta’ filgħaxija, fejn f’dawn il-ħinijiet se jkollna attivitajiet b’tema tal-Karnival.
Esplora kif l-arti, ix-xjenza, it-teknoloġija u l-inġinerija jingħaqdu biex joħolqu invenzjonijiet kbar u esperimenti divertenti. Uża l-immaġinazzjoni filwaqt li tinvestiga għodod u materjali differenti, invezjonijiet, kollaborazzjoni u attivitajiet oħra.
L-attivitajiet li għandna ppjanati għal waqt dawn il-ħinijiet ta’ ftuħ tematiċi huma:
Xows tax-Xjenza
Superhero in You (Etajiet: 3-9 snin)
Ingħaqdu magħna bħala familja għal vjaġġ ta’ skopertà u tgħallmu dwar superpoteri differenti. Ara t-tfal jirnexxilhomx jiskopru l-poter tal-inviżibilità, jiċċekkja mill-viċin oġġetti li jidhru ’l bogħod jew li huma żgħar u jiskopru ala huma daqshekk b’saħħithom l-eroj tal-karti tagħna? Ikollhom ukoll l-opportunità li jitgħallem kif ċertu annimali jafu jkunu inviżibbli u jippruvaw l-aktar superpoter affaxxinanti li jeżisti – dak li permezz tiegħu tmexxi l-oġġetti b’moħħok. Dan ix-xow tax-xjenza huwa divertenti, u fih nużaw kunċetti xjentifiċi li jissorprendu l-viżitaturi żgħar.
Colours Everywhere (Etajiet: 5+)
Il-Komunikaturi tax-Xjenza tagħna għandhom bżonn l-għajnuna tat-tfal fl-udjenza biex jaraw x’ġara! X’hemm fil-ġarra tat-tisqija? Għalfejn qed jinbidlu l-kuluri? Kif saret dik il-fjamma kkulurita? Waqt Colours Everywhere se ninvestigaw il-fenomenu wara l-kimiċi li jbiddlu l-kuluri u se naraw kif nistgħu nħalltu l-kuluri b’esperimenti kkuluriti. Dan ix-xow tax-xjenza huwa divertenti għat-tfal u anke għall-adulti!
Workshops
Family Tinkering (Etajiet: 5+)
Aħdmu flimkien bħala familja (bubble ta’ bejn 2 sa 6 persuni) u ibnu ġugarelli differenti permezz ta’ dan il-maker space. Iddeċidu liema materjal se tużaw u oħolqu ġugarell uniku. Bl-għajnuna tal-Komunikatur tax-Xjenza, użaw il-ħsieb kreattiv u ppruvaw ukoll sibu soluzzjoni għall-problemi li tiltaqgħu magħhom waqt din l-attività. Kun ċert li tittestja l-ġugarelli biex tara li ħadmu tajjeb u rranġa dawk li ma jaħdmux. Il-kreazzjoni tagħkom tistgħu teħduha magħkom id-dar.
Ħin ta’ kwalità mal-familja jagħmel memorji sbieħ. Żurna l-Esplora għal ġurnata mimlija divertiment u attivitajiet interessanti… u tinsewx it-tfal jistgħu jiġu bil-kostum tal-karnival favorit tagħhom.
Biex tattendu għal dawn l-attivitajiet tal-Karnival tistgħu taqtgħu l-biljett tad-dħul online mill-buttuna ta’ hawn taħt; jew inkella tista’ tixtri l-biljetti fir-Reception tal-Esplora. Ninkoraġġukom tiċċekkja l-Iskeda tal-Ġimgħa minn hawnhekk
Viżitaturi, Edukaturi u LSEs li, waqt Karnival fl-Esplora, jixtiequ jagħmlu użu minn biljetti complimentary, vouchers jew offerti bi skonti jistgħu:
Biljetti complimentary, vouchers u offerti ta’ skonti ma jistgħux jintużaw waqt l-online booking.
Wara l-aġġornament tal-linji gwida dwar il-Covid-19 maħruġa mill-Awtoritajiet tas-Saħħa Pubblika, dħul fl-Esplora huwa eskussivament fuq preżentazzjoni ta’ ċertifikat validu tal-vaċċin, li se jkun ivverifikat b’mod diġitali (kodiċi QR) u kkonfermat bl-Karta tal-Identita jew Passaport.
