Discovering the Big Blue

ESEBIZZJONI TA’ KREATURI TAL-BAĦAR MAGĦMULA MINN inflatables ta’ daqs reali u bosta attivitajiet!

Trid tara balena żgħira ta’ 4 metri jew mudelli ta’ daqs reali ta’ denfil, kelb tal-baħar u fekruna tal-ilma? Issa huwa ċ-ċans tiegħek hekk kif Esplora se tiftaħ il-bibien tagħha għal Discovering the Big Blue – the Marine Wildlife Exhibition.

L-Għan

L-għan ta’ din l-esebizzjoni hu li tenfasizza d-diversità fantastika tal-ambjent tal-Oċejan, minn baleni kbar għal organiżmi ċkejknin, li kollha jagħmlu parti mid-dinja ta’ taħt l-ilma madwar il-kosta ta’ Malta. Wirja edukattiva, interattiva u divertenti, immirata għall-viżitaturi ta’ kull età, li fiha se jkun hemm ukoll il-kontribut ta’ diversi organizzazzjonijiet li jixtiequ jenfasizzaw ix-xogħol li jsir sabiex l-ambjent marittimu jibqa’ protett. Ingħaqdu magħna u ibdew vjaġġ ta’ skoperta fil-fond tal-baħar.

X’tista’ ssib?

• Installazzjonijiet Impressjonanti: Inflatables ta’ daqs u dehra reali u mudelli ta’ kreaturi marini, minn kelb il-baħar sa denfil iswed, sa tipi oħra ta’ denfili, baleni żgħar u saħansitra fekruna tal-baħar.
• Attivitajiet Hands-On:
  • Attivitajiet u workshops edukattivi, innovattivi u divertenti!
  • Preżentazzjonijiet interattivi
  • Firxa ta’ artefatti tal-baħar
• Tim brillanti: Din l-esperjenza se titmexxa minn Andy Peters, persuna ta’ ispirazzjoni, kif ukoll voluntiera minn Nature Trust, Shark Lab u mill-komunikaturi tax-xjenza ta’ Esplora, li flimkien se jaħdmu biex iwasslulkom il-meravilji ta’ taħt il-baħar. Andy Peters dar id-dinja kollha bil-Marine Wildlife Roadshow, fejn juża mudelli ta’ daqs reali ta’ kreaturi tal-baħar biex iqajjem kuxjenza u jiġbed l-attenzjoni fuq dawn il-kreaturi f’avvenimenti pubbliċi, esebizzjonijiet, festivals u anke skejjel. Wara 20 sena esperjenza bħala disinjatur u prop-maker, huwa jagħmel il-props kollha u l-mudelli ta’ din l-esebizzjoni. Andy se jirritorna lejn il-Gżejjer Maltin b’perspettiva ġdida dwar l-Oċejan u l-konservazzjoni tiegħu.

Discovering the Big Blue – the Marine Wildlife Exhibition se tkun esebita fl-Esplora mit-Tlieta 15 ta’ November sal-Ġimgħa 2 ta’ Diċembru 2022.

Ħinijiet ta’ Ftuħ tmiem il-Ġimgħa (Is-Sibt u l-Ħadd)

10:00 ta’ filgħodu sal- 5:00 ta’ filgħaxija

Ħinijiet ta’ Ftuħ matul il-Ġimgħa:

9:00 ta’ filgħodu san-12:30 ta’ waranofsinhar: miftuħa għall-iskejjel biss

12:30 ta’ waranofsinhar – 3:00 ta’ waranofsinhar: miftuħa għall-viżitaturi kollha

Din l-Esebizzjoni mhux se tkun bi ħlas addizzjonali.