L-inġinerija hija l-eqreb ħaġa għall-fenomeni tad- dinja – ESPLORA Summer CAMP ’24
Lesti ruħek biex timbarka fuq vjaġġ eċċitanti flimkien mal-Esplora u l-Universtià ta’ Malta dan is-Sajf fejn ser nipprovaw nigwidawk biex tagħżel il-karriera ideali għalik! Bejn is-27 u t-30 ta’ Awwissu, b’kollaborazzjoni mal-Università ta’ Malta, l-Esplora se jniedi Kamp tal-Inġinerija għas-Sajf. Din l-avventura ta’ tlett ijiem se tkun immirata għaż-żgħażagħ ta’ bejn it-12 u l-15-il sena u se tikkonsisti minn programm ta’ attivitajiet u workshops prattiċi li żgur li se jipprovdu lill-parteċipanti b’għarfien interessanti li se jqanqal fihom passjoni għall-inġinerija. Il-programm ta’ attivitajiet inħoloq b’mod speċjali biex jispira lill-parteċipanti ħalli jaħsbu b’mod kritiku.
Għall-prezz ta’ €30, kull parteċipant li jirreġistra ruħu se jkun qed jinvesti fi tlett ijiem ta’ sessjonijiet informattivi li se jitmexxew mit-tim tal-Edukazzjoni tal-Esplora flimkien mal-Laboratorju tal-Inġinerija tal-UM. Permezz ta’ dawn l-attivitajiet, il-parteċipanti se jkunu jistgħu jiftħu għajnejhom u widnejhom għall-fatti u kurżitajiet li bla dubju ta’ xejn se jżidu l-għarfien tagħhom f’diversi suġġetti interessanti. Dawk li jipparteċipaw fil-kamp tal-inġinerija ta’ din is-sena se jkollhom l-opportunità li jiżnu sew il-futur professjonali tagħhom u jqisu l-potenzjal illi jagħżlu karriera fl-inġinerija.
IKKLIKKJA hawn għall-programm sħiħ.
