L-aħħar episodju – Sadid/Indikatur magħmul mill-Kaboċċa Ħamra

Sadid

X’għandek bżonn:

Ejja nesperimentaw flimkien:

Immarka l-4 tazzi b’marker permanenti bil-kliem ARJA, ŻEJT, ILMA TAL-VIT u ILMA BIL-MELĦ rispettivament.
Uża biċċa sandpaper biex tnaddaf l-imsiemer sakemm il-wiċċ jidher ileqq.
Żid musmar ma’ kull kontenitur skont l-istruzzjonijiet ta’ hawn taħt:
Fit-tazza mmarkata ARJA, iżżid xejn għajr il-musmar.
It-tazza li hi mmarkata ŻEJT; agħtti nofs il-musmar biż-żejt.
It-tazza mmarkata ILMA TAL-VIT; għatti nofs il-musmar bl-ilma tal-vit.
It-tazza mmarkata ILMA BIL-MELĦ; agħtti nofs il-musmar bl-ilma bil-melħ u żid kuċċarina melħ. Ħawwad sew sakemm il-melħ jinħall
Prova aqta: Liema msiemer se jifformaw is-sadid? Liema msiemer se jissaddu l-iktar malajr? Għaliex?
Ħallihom ġewwa kexxun jew fuq xi skrivanija għal ftit ġimgħat.
Wara ġimagħtejn, uża pinzetta sabiex tneħħi l-imsiemer minn ġewwa t-tazzi. Osserva l-ammont ta’ sadid li ġie pproduċut fuq kull musmar u ikteb x’sibt.

Erġa’ pprova l-esperiment b’metalli differenti li tista’ ssib fid-dar tiegħek, bħall-paper clips u muniti

Indikatur magħmul mill-Kaboċċa Ħamra

X’għandek bżonn:

Superviżjoni minn adult hija rakkommandata speċjalment meta tferra l-ilma sħun u tuża s-sikkina.

Ejja nesperimentaw flimkien:

Ferra ftit ilma ġol-kitla u ixgħelha sakemm l-ilma jibda jagħli.
Aqta’ l-weraq tal-kaboċċa f’biċċiet żgħar bis-sikkina. Dan għamlu billi titlob ll-għajnuna ta’ adult (Iktar ma l-biċċiet ikunu żgħar, iktar aħjar!).
Itfa’ l-biċċiet tal-kaboċċa fit-tazza / fl-iskutella u ferra l-ilma sħun bil-mod fuqhom.
Ħallihom 30-45 minuta sakemm joħroġ il-meraq mill-weraq tal-kaboċċa.
Uża l-għarbiel biex tneħħi l-weraq tal-kaboċċa mill-indikatur tal-Kaboċċa Ħamra.
Uża dan l-Indikatur sabiex tipprova likwidi differenti li ssib fid-dar bħall-ħall, ilma u soda water.

Jekk dawn il-likwidi jiġu:

Ħomor/Roża – Huwa Aċidu!

Vjola – Huma Newtrali!

Blu/Aħdar – Huwa Alkalin!

Avvenimenti