Nhar id-9 ta’ Awissu nistidnukom tingħaqdu magħna għal serata mill-isbaħ fejn flimkien magħkom niltaqgħu għall-appuntament annwali li fih niċċelebraw La Notte di San Lorenzo fl-Esplora. Malli tibda tbatti s-sħana tax-xemx, iċ-Ċentru Interattiv tax-Xjenza se jiftaħ il-bibien tiegħu biex jagħtikom iċ-ċans uniku li żżuru s-swali ta’ esibizzjonijiet varji waqt li tipparteċipaw f’xi wieħed mill-workshops interessanti li ħejjejna għalikom f’ħinijiet tal-ftuħ mhux tas-soltu!
Is-serata ma tintemmx hawn, għaliex aktar tard filgħaxija, fl-isfond ta’ wieħed mill-isbaħ portijiet fid-dinja, se tittella’ wirja piroteknika magħrufa aħjar bħala La Notte di San Lorenzo jew il-lejla ta’ San Lawrenz, fejn il-pubbliku huwa mistieden biex wara li jżur l-Esplora, jissaħħar bil-ġmiel tal-logħob tan-nar u jitpaxxa b’veduti mill-isbaħ. L-EsploraCafé se jkun miftuħ għall-konvenjenza tal-pubbliku b’għażla vasta ta’ ikel bnin u varjetà ta’ xarbiet friski.
Dettalji tal-avveniment:
• Ħinijiet tal-ftuħ: 6:30pm – 11:30pm
• Swali tal-esibizzjonijiet: Miftuħin sal-10:00pm
• Żoni fuq barra: Aċċessibbli sal-11:30pm
• EsploraPlanetarium: Miftuħ
• EsploraCafé se jiftaħ bejn: 6:30pm u 11:30pm
Titlifx dan il-lejl maġiku fiċ-Ċentru Interattiv tax-Xjenza, Esplora!
Il-biljetti jistgħu jinkisbu mal-bieb fuq bażi li jinqeda l-ewwel min jiġi l-ewwel, jew inkella mis-sit elettroniku: https://www.showshappening.com/esplora-interactive-science-centre/Notte-Di-San-%20Lorenzo
Prezzijiet tad-dħul:
Trabi (0-2 snin): Bla ħlas
Detentur ta’ Karta tad-diżabilità: €3 (Persuna waħda (1) li tkun qiegħda tieħu ħsieb jew tassisti persuna b’diżabilità tidhol bla ħlas)
Anzjani (60+): €4
Biljett għat-tfal (3-15-il sena): €5
Biljett għall-adulti (16+): €10
Rata tal-istudenti: Mhix applikabbli.
X’qed tistenna? Ingħaqad magħna fid-9 ta’ Awissu biex tgawdi serata divertenti u li m’int ser tinsa qatt! Narawk hemm!
Avviż importanti: Biljetti b’xejn, vawċers, jew kupuni b’offerti ta’ skont ma jistgħux jissarrfu jew jintużaw għal dan l-avveniment.
