Segwejthom l-invenzjonijiet tal-imgħoddi li kienet qed titgħallem dwarhom Ġina? Illum tista’ tingħaqad mat-tim u tesperimenta mill-kumdità ta’ darek biex tkompli tiskopri dwar l-invenzjoni tal-mutur.
Din l-invenzjoni, bħal ħafna oħrajn, iffurmat id-dinja li aħna nafu u ngħixu fiha, b’mod partikolari għinet lil bnedmin jilħqu postijiet li ma setgħux jilħqu qabel. Illum il-ġurnata din l-invenzjoni ssibha f’kull xorta ta’ apparat, minn kompjuters sa anki serraturi tal-bibien, u għadna sal-llum ntuha forom u użi differenti allavolja din l-invenzjoni ġiet maħluqa minn Michael Faraday mal-mitejn sena ilu!
L-istess fenomenu xjentifiku li Ġina u Ryan użaw biex jiġġeneraw l-elettriku billi jdawwru rota jew turbina, jaħdem ukoll bil-maqlub: tista’ tuża l-elettriku biex tiġġenera moviment.
Mutur elettroniku jaħdem grazzi għal-kurrent elettriku li jgħaddi minn ġo fih, u dan joħloq kamp eletromanjetiku. Wajer tar-ram normalment jitkebbeb fuqu nnifsu għal mijiet jekk mhux eluf ta’ drabi li mbagħad jitpoġġa ma’ kalamita. Malli jgħaddi l-kurrent minn ġol-koljatura, il-kamp eletromanjetiku li jifforma madwarha jibda jimbotta kontra l-kamp manjetiku tal-kalamita u b’hekk tibda ddur jew il-koljatura jew il-kalamita, skont il mutur li tuża, u dan joħloq iċ-ċaqliq jew moviment li rridu minn mutur elettriku.
Bi ftit inizjattiva u rieda li titgħallem, inti wkoll tkun kapaċi toħloq mutur sempliċi. Kull m’għandek bżonn huwa:
Tista’ ssegwi pass pass ma Ryan billi tara dan il-filmat jew billi ssegwi dawn l-istruzzjonijiet:
Prosit! Għadek kif bnejt mutur sempliċi inti stess. Tħallihx għaddej għal ħafna ħin għax taf tagħmel ħsara lill-batterija, Però pprova ara ssibx xi użu għall-mutur il-ġdid tiegħek. Min jaf? Forsi ‘l quddiem toħloq xi għodda ġdida għal Ġina u Ryan, jew forsi tivvinta xi ħaġa li tbiddel il-ħajja tan-nies bħal ma kien għamel Michael Faraday snin ilu.
Aqta’ l-kurżità u Esplora!
