Immaġina ftit l-eċitament fuq wiċċ it-tfal tiegħek meta tgħidilhom li sejrin l-Esplora—f’dinja meraviljuża tax-xjenza u l-iskoperta. Issa, immaġina kemm se jifirħu meta tgħidilhom li jistgħu jġibu l-pet tagħhom magħhom għal din l-avventura! Żgur li din se tkun avventura unika u indimentikabbli għal kulħadd.
Ingħaqdu magħna għall-avventura tal-Għid Paws and Claws dan l-Għid għaliex nhar is-26 u is-27 ta’ April, se jittella’ avveniment uniku fejn l-għeġubijiet tax-xjenza se jilaqgħu mar-renju affaxxinanti tal-annimali.
Għall-ewwel darba, l-Esplora se jilqa’ l-annimali domestiċi tagħkom! Ġibu l-pets tagħkom magħkom u idħlu flimkien f’dinja eċċitanti ta’ attivitajiet hands-on, attrazzjonijiet live ta’ annimali, u wirjiet interattivi. Minbarra li se tiltaqgħu ma’ varjeta’ ta’ annimali, minn rettili sa kreaturi eżotiċi —se tingħataw ukoll iċ-ċans li żżuru r-rokna tal-adozzjoni biex tiltaqgħu mal-pets ħelwin li qed ifittxu l-imħabba ta’ dar li tilqagħhom.
Immaġina l-ferħ fuq wiċċ it-tfal tiegħek hekk kif dawn jesploraw id-dinja tal-annimali, jistaqsu mistoqsija wara l-oħra biex b’hekk jagħmlu skoperti ġodda. Se jitgħallmu kif jikkominikaw u jaddattaw dan l-annimali, u kif huma jirnexxu fl-ambjent tagħhom, filwaqt li se jkollhom ukoll iċ-ċans li jiskopru aktar dwar ix-xjenza tal-kura tal-pets u l-imġieba tagħħom.Għat-tfal li diġa wrew interess li jsiru veterinarji, se jkollna workshops apposta fejn uliedkom ikunu jistgħu jitgħallmu dwar il-kura tal-annimali u dak kollu li tirrikjedi din il-karriera.
Ovvjament, l-avventura ma tkunx kompluta mingħajr il-famuża Easter Egg Hunt, fejn il-kreattivita’ tilħaq il-qofol tagħha fl-istazzjon robotiku, u fejn il-wirjiet live tal-annimali żgur li se jsaħħru l-familja kollha.
L-Avventura tal-Għid Paws and Claws se tkun qed toffri taħlita ta’ divertiment u tagħlim adattat għall-familja kollha. Titlifx dan il-vjaġġ edukattiv – kemm jekk l-annimali jaffaxinaw lit-tfal tiegħek, jew jekk joħolmu li xi darba jkollhom karriera assoċjata mall-kura tal-annimali, jew inkella jekk jieħdu pjaċir jfittxu l-bajd tal-Għid, se jkun hemm divertiment għal kulħadd!
Iċċelebra l-Għid magħna fl-Esplora—fejn ix-xjenza, l-avventura u l-annimali jingħaqdu flimkien biex iwasslulek esperjenza li ma tinsa qatt!
Tista’ tixtri biljetti min hawn: https://www.showshappening.com/esplora-interactive-science-centre/Paws–Claws-
Avvenimenti Ewlenin
Pawesome Senses| 5+
Show tax-Xjenza
Qatt pprovajt tara d-dinja minn għajnejn il-pet tiegħek? Waqt din l-attivita’ se tiskopri kif l-annimali jesperjenzaw id-dinja ta’ madwarhom b’mod li qatt ma nistgħu nimmaġinaw, bħal ngħidu aħna kif jirnexxielhom ixommu minn seba’ mil ‘l bogħod. Ingħaqad magħna għal dan is-show fejn mhux biss se nesploraw is-sensi straordinarji tal-animali bħax-xamm, il-vista u s-smiegħ, imma se neżaminaw ukoll il-mod inkreddibli kif l-annimali jirnexxielhom jaddattaw irwieħom biex jinnavigaw id-dinja b’mod differenti minna l-bnedmin. Lesti ruħek biex tiftaħ għajnejk beraħ u tesperjenza l-ħajja minn għajnejn l-annimali!
Amazing Wildlife Puppet Show | 3 to 6 years
Show tal-Pupazzi
Ingħaqad magħna għal show divertenti tal-pupazzi fejn se tiltaqgħu ma’ membri tar-Renju tal-Annimali u fejn se tiskopru fatti affaxinanti dwar kif u fejn dawn jgħixu fid-dinja. Minn ġo ġungli mill-isbaħ, sal-oċeani mill-aktar fondi se tiltaqgħu ma kull tip ta’ animal u tesploraw l-abitati uniċi li huma jikkonsidraw bħala darhom.
Little Vet Clinic| 5+
Qatt ħsibt x’jiġifieri tkun veterinarju? Permezz ta’ din l-attività prattika u hands-on, It-tfal se jieħdu r-rwol tal-Veterinarju, billi jużaw il-kreattività u l-immaġinazzjoni tagħhom biex jieħdu ħsieb tal-pets taparsi pazjenti. Bll-għajnuna ta’ props u ġugarelli, se ngħinu lit-tfal jiżviluppaw ħiliet biex isibu soluzzjonijiet tal-problemi waqt li jeżaminaw, joħorġu bi djanjosi, u jagħżlu l-aqwa trattament biex jgħinu lill-pet jerġa lura fuq saqajh. Esperjenza perfetta adattata speċjalment għat-tfal li jħobbu l-annimali u għal dawk li jiextiequ jsiru veterinarji!
Wanted Puppy | 3 to 6 years
Sessjoni tal-istejjer
F’Wanted Puppy se nirrakontaw l-istorja ta’ Bella, storja ta’ swied il-qalb dwar ġeru li qed tfittex dar li se tilqagħha u turiha l-imħabba li tant tixtieq. Għall-kuntrarju ta’ ġriewi oħra bħalha, l-istorja ta’ Bella tiżvolġi ruħha b’ħafna sorpriżi, sfidi u mumenti ta’ tama. L-istorja tinvolvi lit-tfal fejn permezz ta’ attivitajiet sensorji se jkunu jistgħu jxommu, jħossu u jmissu biex l-istorja tkun aktar immersiva għalihom. Waqt l-istorja, it-tfal se jitgħallmu dwar ir-responsabbilitajiet tal-kura tal-anmimali domestiċi , kif ukoll dwar kemm hu importanti li wieħed ikun qalbu tajba u kuraġġuż .
Logħob Sensorju b’tema tal-annimali domestiċi | 0 sa 2 snin
Logħob Sensorju għat-tfal iż-żgħar
Introduċi liċ-ċkejknin tiegħek għad-dinja tal-annimali permezz ta’ logħob sensorju divertenti u interattiv. Din iż-żona li hija maħluqa għall-etajiet minn 0 sa 2, toffri attivitajiet li jinvolvu lil ġenituri biex jinkoraġixxu l-iżvilupp sensorju tat-tfal ċkejknin tagħhom , u jqanqlulhom l-kurżita’ biex jissortjaw u iqabblu l-kuluri flimkien, l-kuluri inspire curiosity through a range of activities including, colour-matching, sorting, logħob ħafif li jgħinhom jiżviluppaw il-motor skills tagħhom u ħafna aktar.
________________________________________________________________________________________________________________
Ċaħda għall-avveniment Paws and Claws:
Esplora ċ-Ċentru Interattiv tax-Xjenza, jista’ jiġbor u jipproċessa data personali bħala parti mill-proċess ta’ reġistrazzjoni tal-avveniment. Billi tattendi l-avveniment, inti tagħti l-kunsens tiegħek għall-ġbir, l-ipproċessar u l-ħżin tal-informazzjoni personali tiegħek għall-fini tal-ġestjoni tal-parteċipazzjoni tiegħek fl-avveniment.
Dawk kollha li jattendu għandhom josservaw ir-regolamenti tas-saħħa u s-sikurezza fis-seħħ matul l-avveniment. Is-sidien tal-annimali domestiċi huma responsabbli biex jiżguraw li l-annimali domestiċi tagħhom ma joħolqux riskju għas-saħħa jew is-sikurezza tagħhom infushom, ta’ ħaddieħor, jew tal-post. Kwalunkwe tħassib jew inċident dwar is-sikurezza għandu jiġi rrappurtat immedjatament lill-persunal tal-avveniment. L-organizzaturi jirriżervaw id-dritt li jieħdu kwalunkwe azzjoni meħtieġa biex iżommu ambjent sikur għall-parteċipanti kollha, inkluż it-tneħħija ta’ annimali domestiċi jew individwi li joħolqu riskju.
Billi tidħol fil-bini tal-avveniment b’annimal domestiku, inti tikkonferma li qrajt, fhimt u qbilt ma’ dawn it-termini u kundizzjonijiet u ċaħda ta’ responsabbiltà.
________________________________________________________________________________________________________________
🐾 Annimal domestiku wieħed għal kull detentur tal-biljett huwa permess.
🦴 L-annimali domestiċi jridu jibqgħu biċ-ċinga f’kull ħin – ċineg li jistgħu jinġibdu lura mhumiex permessi.
🐕 Is-sidien huma għalkollox responsabbli għall-imġiba u s-sikurezza tal-annimali domestiċi tagħhom.
🚫 Tħallux l-annimali domestiċi jersqu viċin jew jinterferixxu mal-annimali għall-wiri.
💦 Stazzjonijiet tal-ilma se jkunu disponibbli madwar iż-żona tal-avveniment.
💩 Naddaf wara l-annimal domestiku tiegħek – bins u basktijiet tal-iskart se jkunu provduti.
🏥 Annimali domestiċi li huma f’saħħithom u vaċċinati biss jistgħu jattendu – annimali morda jew aggressivi se jkunu mitluba jitilqu.
🛑 Esplora mhuwiex responsabbli għal korriment, mard, jew ħsara kkawżata mill-annimali domestiċi.
✅ Is-sidien tal-annimali domestiċi huma meħtieġa jiffirmaw dikjarazzjoni ta’ rinunzja ta’ responsabbiltà mad-dħul.
👮 L-organizzaturi jirriżervaw id-dritt li jirrifjutaw id-dħul jew it-tneħħija ta’ kwalunkwe annimali domestiċi li jitqiesu bħala ta’ tfixkil.
________________________________________________________________________________________________________________
Il-viżitaturi li jidħlu bl-annimali domestiċi se jkunu meħtieġa jiffirmaw dikjarazzjoni mad-dħul.
Billi tixtri l-biljetti u tattendi l-avveniment “Paws and Claws” f’Esplora ċ-Ċentru Interattiv tax-Xjenza, b’annimal domestiku, inti tirrikonoxxi, taqbel ma’, u taċċetta t-termini u l-kundizzjonijiet li ġejjin:
