Sajjar ma’ Ġina It-Tieni Parti

Ippruvajtuha r-riċetta li tawna Ġina u Katrina l-ġimgħa l-oħra? Tixtiequ tippruvaw oħra? Iċċekjaw l-ingredjenti ta’ hawnhekk.

Ġelat bil-Melħ

Għandek bżonn

• 200ml ħalib sħiħ (whole milk)
• 60ml krema friska
• Mgħarfa zokkor
• Kuċċarina u nofs essenza tal-vanilla
• ¼ cup melħ oħxon
• Silġ
• 2 boroż tal-plastik (resealable): waħda kbira u oħra żgħira

Metodu

1. Itfa’ l-ħalib, krema friska, zokkor u vanilla fil-borża tal-plastik żgħira u ħawwad sew. Għalaq il-borża sew.
2. Żid is-silġ u l-melħ fil-borża l-kbira. Uża mgħarfa biex tħawwadhom flimkien.
3. Itfa’ l-borża ż-żgħira fil-borża l-kbira. Ara li l-borża ż-żgħira hija mdawra sew bis-silġ.
4. Agħlaq il-borża l-kbira. Ċaqlaq il-borża bis-saħħa għal madwar 10 minuti. (Attenti! Il-borża se tkun kiesħa ħafna! Staqsu lil xi ħadd adult għall-għajnuna)
5. Iftaħ iż-żewġ boroż biex idduq il-ġelat fil-borża ż-żgħira! Jekk it-taħlita għadha likwida wisq, erġa’ agħlaq il-boroż u ħawwadhom għal ftit tal-ħin iktar.

Tixtieq tesperimenta? Oħloq togħmiet ta’ ġelati oħrajn billi tħallat ingredjenti differenti (bħal kokotina, biċċiet taċ-ċikkulata jew frott) mal-ħalib u l-krema.

Għal aktar informazzjoni dwar Ġina u l-Esploraturi, aqra hawnhekk