Idħol f’dinja ta’ esplorazzjoni tax-xjenza matul il-Ħinijiet Addattati għas-Sensittivitajiet Sensorjali tagħna ġewwa Esplora, iċ-Ċentru Interattiv għax-Xjenza. Nifhmu li dwal qawwijin u ħsejjes qawwija jistgħu jkunu ta’ sfida għal xi wħud, għalhekk aħna kuntenti li noffru atmosfera trankwilla matul dawn is-sigħat speċjali. Skopri l-basket Sensorjali tagħna li jinkludi oġġetti bħal sandtimer, għajnuna viżwali, fidget toys, nuċċali tax-xemx u difensuri tal-widnejn. Dawn l-oġġetti huma disponibbli f’kull ħin sabiex iż-żjara tagħkom tkun aktar komda u pjaċevoli. Se nkunu qed nipprovdu mappa li turi żoni mhux storbjużi u żoni b’dawl qawwi li jista’ jkun li tixtiequ tevitaw.
Minħabba s-sigurta ta’ kulħadd, fl-Esplora għandna sistema ta’ alarm li tista’ tixgħel f’każ ta’ nar. Fil-każ li din l-alarm tixgħel, se jkun hemm ħoss qawwi. Għalkemm aħna nipprijoritizzaw is-sigurta bis-sistema tagħna ta’ alarm, ftakar li t-tim tagħna jiggwidak f’post sigur f’każ ta’ xi allarmi.
Waqt il-Ħinijiet Addattati għas-Sensittivitajiet Sensorjali, se jkollok iċ-ċans li tipparteċipa f’wieħed mill-workshops jew wirjiet tax-xjenza tagħna, kif ukoll tieħu l-esperjenza tal-EsploraPlanetarium.
Bħala ċampjins tal-inklussività, Esplora huwa kburi wkoll li jsostni l-Iskema Sunflower, b’ lanyards apposta għal dan il-għan li tista’ tieħu d-dar u tużahom f’postijiet oħra li jagħmlu parti wkoll mill-iskema.
Il-Ħadd, 26 ta’ Jannar 2025, bejn 9am u 1pm – Jekk tixtieq iżżurna, jekk jogħġbok imla din il-formola.
Is-Sibt, 22 ta’ Frar 2025, bejn 9am u 1pm.
Il-Ħadd, 30 ta’ Marzu 2025, bejn 9am u 1pm.
Is-Sibt, 12 ta’ April 2025, bejn 9am u 1pm.
Il-Ħadd, 25 ta’ Mejju 2025, bejn 9am u 1pm.
Is-Sibt, 28 ta’ Ġunju 2025, bejn 9am u 1pm.
Il-Ħadd, 27 ta’ Lulju 2025, bejn 9am u 1pm.
Is-Sibt, 30 ta’ Awwissu 2025, bejn 9am u 1pm.
Il-Ħadd, 28 ta’ Settembru 2025, bejn 9am u 1pm.
Is-Sibt, 25 ta’ Ottubru 2025, bejn 9am u 1pm.
Is-Sibt, 22 ta’ Novembru 2025, bejn 9am u 1pm.
Il-Ħadd, 14 ta’ Diċembru 2025, bejn 9am u 1pm.
Dħul – Dawk li għandhom Karta tad-Diżabilità u l-Concession Card tal-Esplora – € 3 (Dħul b’xejn għal adult wieħed li jakkumpanjahom. Persuni addizzjonali jħallsu l-prezz tad-dħul regolari fl-Esplora.)
EsploraPlanetarium u esebizzjoni tal-Univers – €2 (Dħul b’xejn għal adult wieħed li jakkumpanjahom. Persuni addizzjonali jħallsu d-dħul regolari tal-EsploraPlanetarium.)
Tgħallem aktar dwar il-Concession Card tal-Esplora fuq esplora.org.mt/esplora-concession-card
Sabiex tipprepara għaż-żjara tiegħek minn qabel, iċċekja l-Istorja Soċjali tagħna fuq https://esplora.org.mt/storja-socjali-2/?lang=mt
Tista’ wkoll tibbukkja l-Kamra Multisensorjali tagħna għal sessjonijiet mingħajr ħlas. Għal aktar informazzjoni jekk jogħġbok idħol hawnhekk: https://esplora.org.mt/kamra-multisensorjali/?lang=mt
